வணிகத் திணைக்களம்

இந்திய - இலங்கை சுதந்திர வர்த்தக உடன்படிக்கை (ISFTA)

1998 டிசம்பர் 28 ஆம் திகதியன்று கைச்சாத்திடப்பட்டு 2000 மார்ச் 1 ஆம் திகதியிலிருந்து அமுலுக்கு வந்த இந்திய இலங்கை சுதந்திர வர்த்தக உடன்படிக்கையானது இரண்டு நாடுகளுக்குமிடையில் மேற்கொள்ளப்படும் பரந்தளவிலான உற்பத்திப் பொருட்களுக்கு தீர்வை விலக்களிப்புச் சலுகைகளினை வழங்கி வருகின்றது. 2008 நவம்பரிலிருந்து அமுலுக்கு வந்த ISFTA இன் கீழான இலங்கையின் இறுதி தரிவு விடுதலை இணக்கப்பாடானது பூரணத்துவத்துடன் முழுமையாக அமுல்படுத்தப்பட்டது. எவ்வாறாயினும், இலங்கையானது 2003 மார்ச்சின் இறுதியிலிருந்து ISFTA இன் கீழான பாரிய இந்திய சந்தைக்கு முழுமையான தீர்வை விலக்களிப்பு அணுகுமுறையினை ஏற்கனவே பெற்றுள்ளது. இதனால், இலங்கையினைச் சேர்ந்த தொழில்முயற்சியாளர்களினால் தீர்வையற்ற அடிப்படையில் இந்திய சந்தைக்கு 4000 இற்கும் மேற்பட்ட உற்பத்தி வரிசைகளினை ஏற்றுமதி செய்ய முடிகின்றது.

சுங்கத் தீர்வையின்றி இந்திய சந்தைக்கான இலங்கையின் ஏற்றுமதிகள் 2009 ஆம் ஆண்டின் 7ம் மாதம் 164.51மில்லியன் அமெரிக்க டொலரிலிருந்து 2010 ஆம் ஆண்டு, 7ம் மாதம் 239.2 மில்லியன் அ.டொலருக்கு அதிகரித்திருந்ததுடன் 45.4%  அதிகரித்துள்ளது. இதனுள் மோட்டார் வாகனங்கள் மற்றும் பெற்றோலிய உற்பத்தி பொருட்கள் உள்ளடங்கலான இயந்திர உதிரிப்பாகங்கள், இயந்திரம் அல்லது உருக்கு மற்றும் அவற்றின் உற்பத்திப் பொருட்கள், மருந்தாக்கல் பொருட்கள், சீனி மற்றும் சீமெந்து என்பன உள்ளடங்குகின்றன. திணைக்களமானது சுதந்திர வர்த்தக உடன்படிக்கையின் கீழான அமுலாக்கல் தொடர்பான பிரச்சனைகளுக்கு தீர்வு காணும் பொருட்டு உள்நாட்டிலுள்ள அக்கறைதார்களுடனும் அவ்வாறே இந்தியாவிலுள்ள வர்த்தகப் பங்காளிகளுடனும் தொடர்ச்சியான பேச்சுவாரத்தைகளில் ஈடுபட்டு வருகின்றது.

ISFTAஇன் கீழான உற்பத்திப் பொருட்களின் பல்வகைப்படுத்தல்

மரக்கறி எண்ணெய், செப்பு, மாஜரின், மாபிள்கள் மற்றும் மிளகு மற்றும் ஏனைய உற்பத்திப் பொருட்களின் வகை போன்ற பாரிய ஏற்றுமதிகளில் குறைவு ஏற்பட்டுள்ள அதேவேளையில், இந்தியாவுக்கான சந்தை அணுகு முறையினைப் பெற்றுள்ளன. அவை காப்பிடப்பட்ட வயர்களும் கம்பிகளும், கோழி உணவுகள், காற்றழுத்த ரயர்கள், பிங்கான்கள், தைத்த ஆடைகள், தளபாடம், குளிரூட்டிகளும் குளிரூட்டும் இயந்திரங்களும், அளவிடல் மற்றும் நிறையிடல் உபகரணங்கள், கண்ணாடிப் போத்தல்கள், பதப்படுத்தப்பட்ட இறைச்சி உற்பத்திகள், நடுத்தரளவிலான அடர்த்தியினைக் கொண்ட நார்ப் பலகைகள் (MDF), இறப்பர் கையுறைகள், வெது வெதுப்பு கடதாசிகள், தரை ஒடுகள், கற்களும் மாபிள்களும், வெப்பமாக்கிகளும் இயந்திர உபகரணங்களும், இரும்பு மற்றும் உருக்கினாலான பொருட்கள், விசைப் பொறிப் பலகைகளும் மூடிகளும், சாக்குகளும் பைகளும் போன்றவற்றினை உள்ளடக்குகின்றன.

உலக வர்த்தக அமைப்பு

இப் பிரிவின் பிரதான பொறுப்பு உலக வர்த்தக நிறுவனத்தில் (WTO) இலங்கையினைப் பிரதிநிதித்துவப் படுத்துவதேயாகும். உலக வர்த்தக நிறுவனமானது உலக வர்த்தக நிறுவனத்தின் சட்ட நடைமுறைகளுக்கமைவாக ஒவ்வொன்றும் மற்றையதுடன் வர்த்தகத்தினை நடத்துவதற்கான பொறுப்பினைக் கொண்டுள்ள 164 உறுப்பினர்களினைக் கொண்டுள்ள பல தரப்பு வர்த்தக நிறுவனமாகும். அதன் தீர்மானங்களை நடைமுறைப்படுத்துவது தொடர்பாகவும் DoC ஆனது பொறுப்புடையதாக உள்ளது.

உலக வர்த்தக நிறுவனத்தின் தாபக உறுப்பினர் என்ற வகையிலும் அதன் ஆரம்பகால 23 தாபக உறுப்பினர்களில் ஒருவர் என்ற வகையிலும், தரிவு மற்றும்  வர்த்தகம் தொடர்பான பொது உடன்படிக்கையினை (GATT), இலங்கையானது வர்த்தக திணைக்களத்தினூடாக உலக வர்த்தக நிறுவனத்தில் மிகவும் காத்திரமான பங்களிப்புடன் செயற்படுத்தியுள்ளது. திணைக்களமானது உலக வர்த்தக நிறுவனத்தில் குறிப்பிட்ட காலப்பகுதிகளில் நடாத்தப்பட்ட பல்வேறு சுற்றுப் வர்த்தகப் பேச்சுவார்த்தைகளில் இலங்கையின் அக்கறைகள் தொடர்பில் கவனம் செலுத்தியுள்ளதுடன் தற்போதிருக்கும் உடன்படிக்கைகளின் கீழ் இலங்கையின் உரிமைகள் மற்றும் கடப்பாடுகள் குறித்தும் பொறுப்பு வகிக்கின்றது.

பேச்சுவார்த்தைகளின் தற்போதைய சுற்றான டோஹா சுற்றுப் பேச்சுவார்த்தையானது, சந்தை அணுகுமுறை இணக்கப்பாடுகள் மற்றும் விவசாயத்துறையில் உள்நாட்டு ஆதரவு, கைத்தொழில் மற்றும் மீன்படி உற்பத்திகளுக்கான சந்தை அணுகுமுறை, சேவைகள், வர்த்தக வசதிப்படுத்தல், வர்த்தக நிவாரண நடவடிக்கைகள் தொடர்பான சட்ட விதிகள், பிராந்திய வரத்தக உடன்படிக்கைகள் மற்றும் பிணக்குத் தீர்வுப் பொறிமுறை, புலமைச் சொத்து வர்த்தகம், வர்த்தகம் மற்றும் சுற்றாடல் போன்றவை உள்ளடங்கலான பல்வேறு விடயங்கள் தொடர்பான அதிகாரத்தினைக் கொண்டுள்ளது. இலங்கையானது, இலங்கையின் பொருளாதாரம் சிறியதும் நலிவடைந்ததுமாக இருப்பதால் இலங்கைக்குத் தனித்துவமாகவிருக்கின்ற அனைத்து விடயங்களிலும் கூடிய அக்கறையினைக் கொண்டுள்ளது. இவை, அதன் பிரதான சந்தைகளுக்கான மேம்படுத்தப்பட்ட சந்தை அணுகுமுறை, அதன் உள்நாட்டு விவசாயத்தினைப் பாதுகாக்கும் பொருட்டு வினைத்திறன் வாய்ந்த நெகிழ்வுப் போக்குகளினை ஏற்படுத்துதல், மரபு ரீதியான அறிவு மற்றும் சுதேச உற்பத்திகளினைப் பாதுகாப்பது தொடர்பான தேவைப்பாடுகளின் உள்ளடக்கம், அவற்றிற்கிடையே ஒத்திசைவான வர்த்தக வசதிப்படுத்தல் சட்ட நடைமுறைகளினை தொழிற்படுத்துதல் என்பனவற்றினை உள்ளடக்குகின்றன.

வர்த்தக திணைக்களத்திலிருந்தான அலுவலர்களைக் கொண்ட நிரந்தர இலங்கைத் தூதுக்குழுவொன்றினூடாக ஜெனிவாவிலுள்ள உலக வர்த்தக நிறுவனத்தில் பிரதிநிதித்துவம் செய்யப்படுகின்றது. வர்த்தக திணைக்களமானது பேச்சுவார்த்தை முன்மொழிவுகளின் பகுப்பாய்வு, பேச்சுவார்த்தைகளின் அனைத்து விடயங்களிலும் இலங்கையின் நலன்கள் குறித்து அரச மற்றும் தனியார் அக்கறைதாரர்களுடன் ஆலோசனைகளினை நடாத்துதல் மற்றும் இலங்கைக்குச் சொந்தமான முன்மொழிவுகளினைத் தயாரித்தல் என்பனவற்றினூடாக மேற்படி விடயங்களில் இலங்கையின் சார்பில் பேச்சுவார்த்தை நடாத்தும் தகுதி நிலைகளினை வகுப்பதில் தற்போது ஈடுபட்டு வருகின்றது.

பேச்சுவார்த்தைகளின் தற்போதைய சுற்றுக்களில் இலங்கையின் நலன்கள் குறித்து கவனம் செலுத்துவதற்கு அப்பால், வர்த்தக திணைக்களமானது, உலக வர்த்தக இணக்கப்பாடுகளுடன் இலங்கையின் வர்த்தக  நடவடிக்கைகளின் ஒருமுகத் தன்மையினை ஆய்வு செய்தல், வர்த்தக கொள்கை விடயங்களினை வகுப்பதில் இலங்கைக்கு கிடைக்கக்கூடிய நெகிழ்வுத் தன்மைகள் குறித்து மதியுரை வழங்குதல், இலங்கையுடனான பிரதான வர்த்தகப் பங்காளி நாடுகளாக இருக்கின்ற உலக வர்த்தக நிறுவனத்தில் இணைந்துள்ள நாடுகளுடன் இருதரப்பு பேச்சுவார்த்தைகளில் ஈடுபடுதல், தேவையேற்படுமிடத்து ஏனைய உறுப்பு நாடுகளினைப் பிரதிநிதித்துவப்படுத்துதல், இலங்கையின் வர்த்தகத்தினைப் பாதிக்கின்ற ஏனைய உறுப்பு நாடுகளின் உலக வர்த்தக நிறுவனத்தின் ஒத்திசைவான நடவடிக்கைகள் தொடர்பில், தொழில்நுட்ப உதவுகையினை வழங்குதல் மற்றும் உலக வர்த்தக நிறுவன சட்டநடைமுறைகளின் கீழ் திறன் விருத்தியினைக் கட்டியெழுப்புவதற்கான வாய்ப்புக்கள்:  உள்ளடங்கலான இலங்கையின் தற்போதைய உரிமைகள் மற்றும் கடப்பாடுகள் தொடர்பான விடயங்களிலும் தற்போது ஈடுபட்டு வருகின்றது. வர்த்தகத் திணைக்களமானது உலக வர்த்தக நிறுவனத்தின் இரண்டாண்டிற்கு ஒருமுறை நடாத்தப்படும் அமைச்சர்கள் மட்டத்திலான மாநாட்டிலும் இலங்கையினைப் பிரதிநிதித்துவப்படுத்தி பங்குபற்றுகின்றது.

உலகளாவிய வர்த்தக அமைப்பு பற்றிய மேலும் தகவல் WTO வலைத் தளத்தில் கிடைக்கிறது: www.wto.org